ليه إيـزاك راح واشترى كلب بـ 30 ألف جنيه إسترليني؟
و السبب صادم جدًا!
صحيفة The Sun البريطانية كشفت حاجة غريبة،
وقالت إن ألكسندر إيـزاك نجم ليفربول،
واللي جه من نيوكاسل بـ 130 مليون،
اتعرّض الفترة اللي فاتت لتهديدات بالقتل،
والحكاية زادت بعد انتقاله الضخم…
وزادت أكتر كمان لما منتخب السويد اتذيل مجموعته في تصفيات كأس العالم 2026.
الصحيفة بتقول إن بسبب كل دا،
إيزاك قرر يجيب كلب دوبرمان مدرّب تدريب عالي جدًا،
ودفع فيه 30 ألف جنيه إسترليني،
علشان يحمي نفسه ويحمي بيته.
والحقيقة إن الموضوع دا مش جديد،
لاعيبة كتير في الدوري الإنجليزي عملوا نفس الحركة،
زي راشفورد، وووكر، وجريليش،
بعد موجة السرقات اللي كانت بتحصل في بيوت اللاعبين هناك.
والسؤال اللي بييجي في دماغ أي حد دلوقتي:
هل يا ترى الخوف والضغط دا…
هو السبب في تراجع مستوى إيزاك مع ليفربول ولا لأ؟.
